XEFE DELEGASAUN MISSAUN OBSERVASAUN ELEITORAL HASORU MALU HO PREZIDENTE CNE Dr. Jose Agostinho da Costa Belo

Tersa feira ne’e, 12 jullu 2022 tuku 11:00 Xefe Delegasaun Missaun Observasaun Eleitoral, sr. Doménec Ruiz Devesa, akompaña hosi Analista Eleitoral Uniaun Europeia nian, sra. Margarida Alves, marka audensia ida ho Lider Máximu Orgaun Eleitoral CNE, hodi koalia kona-ba Missaun Observasaun Eleitoral ne’ebe Uniaun Europeia hala’o durante periodu eleisaun Prezidente Républika 2022 liu ba.

Delegasaun Missaun Observasaun Eleitoral ne’e, regressa hikas mai Timor Leste, iha segunda feira horiseik, 11 Jullu 2022, ho objetivu atu entrega relatóriu ho konkluzaun finál sira husi obervasaun eleisaun prezidensiál iha Timor-Leste ne’ebé realiza iha loron 19 Marsu ho segunda volta iha 19 Abril 2022. Relatóriu ne’e inklui mós lista rekomendasaun sira hodi hadi’ak eleisaun ba futuru mai.

Xefe Delegasaun Sr. Ruiz Devesa, durante iha Timor Leste, sei hala’o sorumutu ho autoridades no reprezentantes husi instituisaun sira estadu nian, órgaun eleitorál, Tribunál Rekursu, partidu polítiku sira no sosiedade sivil, hodi bele fahe opiniaun kona-ba konteúdu relatóriu finál no buka dalan sira oinsá bele implementa rekomendasaun sira.

Iha okaziaun ne’e Prezidente CNE, Dr. Jose Belo akresenta mos ba Xefe Delegasaun ho nia Analista Eleitoral kona-ba situasaun aktual Timor Leste, hafoin termina prosesu eleitoral iha eleisaun ba Xefe Estadu Timor Leste nian. Lider Máximu CNE ne’e mos esplika kona-ba prosesu Resenseamentu Eleitoral no Atualizasaun Baze de Dadus ne’ebe, STAE hala’o hodi introduz mos Sistema Biométriku ba Kartaun Eleitoral. CNE sei fo mos nia pareser balu ba Legislador sira atu konsidera mos template braille iha Eleisaun Parlamentar 2023 nian, nune’e bele fasilita eleitor ho difisiensia matan atu iha asesibilidade no garante sira nia segredu votu.

Enkontru ne’e hetan kobertura mos hosi mídia CNE.

Enquire now

Give us a call or fill in the form below and we will contact you. We endeavor to answer all inquiries within 24 hours on business days.