COMISSÃO NACIONAL DE ELEIÇÕES TIMOR LESTE, AUDENSIA HO EMBAXADOR BRASIL

Lider Máximu Orgaun Eleitoral CNE, Jose A. da Costa Odete Belo, akompaña hosi Vice Presidente CNE , Domingos Barreto, Sekretaria CNE Odete Maria Belo, Komisariu Olavio da Costa Monteiro no asesor sira, tersa feira semana ne’e, marka audensia ho Embaxador Brasil ba Timor Leste, Maurício Medeiros de Assis iha Palapasu Dili, tuku 09:45.

Hasoru malu ne’e hanesan parte ida hosi hametin parseria CNE ho paízes membru CPLP nian iha Timor Leste.

Iha okaziaun ne’e, Embaxador Brasil, hato’o nia kongratulasaun ba Timor Leste, espesialmente ba Orgaun Eleitoral sira ne’ebe organiza eleisaun Presidensial 2022 lao ho sussesu, maske Timor Leste paíz ida jovem maibe iha maturidade polítika ne’ebe diak ne’ebe kontribui haburas demokrasia iha Timor Leste no mundu. Nia hatutan, iha Brasil sistema eleitoral diferente tebes ho Timor Leste, tanba Brasil aplika votu obrigatoriu, ho sistema dijital no elektróniku, eleitor se deit maka la fo nia votu, automátikamente sei detekta hosi sistema, sei hetan multa no laiha direitu atu hetan asistensia sosiais nian.

Iha biban hanesan, Presidente CNE, agradese ba prontidaun Embaxador atu simu CNE hodi bele troka impresoens kona-ba prosesu eleitoral paíz rua nian. Lider Máximu CNE ne’e solisita mos ba Embaxador atu bele hametin koperasaun entre CNE Timor Leste ho Brasil oinsa bele hetan tulun hosi Brasil, fo kapasitasaun ka treinamentu iha áreas oin-oin, hanesan treinamentu iha área komunikasaun sosial, edukasaun sívika hodi halo esklaresementu ba sidadaun sira, formasaun kona-ba justisa eleitoral, inklui oinsa bele realiza estudu komparativus kona-ba sistema eleitoral ne’ebe modernu hosi Brasil, nune’e Timor Leste bele hetan referensias balu ba melloramentu servisu eleitorais iha Timor Leste futuru mai

MediaCNE

Enquire now

Give us a call or fill in the form below and we will contact you. We endeavor to answer all inquiries within 24 hours on business days.