CNE ELEITU NÚDAR MEMBRU KONSELLU EZEKUTIVU BA A-WEB REPREZENTA REJIAUN ÁSIA

Cape Town, Áfrika do Súl 18-21 Outubru 2022
Comissão Nacional de Eleições (CNE), partisipa iha sorumutu, ho órgaun eleitorál hosi nasaun sira iha mundu mak hamutuk atus ida sanulu resin sia (119), realiza 5º Asembleia Geral ba Associstion of World Elections Bodies (A-WEB) iha sidade Cape Town kapital nasaun Áfrika do Súl nian. CNE Timor-Leste partisipa iha sorumutu refere núdar fundador no membru permanente ba A-WEB iha tinan 2014 liu bá.
Iha asembleia jeral A-WEB refere nasaun membru sira deskute, apresia no aprova iha asembleia mak sesaun sira kona bá prosedimentu aprezentasaun kandidatura, votasaun no fo sai rezultadu ba eleisaun Vise Presidente A-WEB haktuir nia Estatutu. Presidensia ba A-WEB nian sei automatika lidera hosi Vise Presidente eleitu iha Asembleia Geral ne’e no sei lidera A-WEB hafoin Asembleia Geral tuir mai. Mandatu ba Presidensia no Vise Presidente ba tinan rua (2). Iha Asembleai Geral iha tinan 2022 ne’e organiza hosi Komisaun Eleitorál Independénte (IEC) Áfrika Súl ne’ebé asume pasta núdar Vise Presidente iha Asembleia Geral tinan 2019 ho presidensia lidera hosi Komisaun Eleitorál India nian. Hafoin simu transferénsia lideransa ba Presidente A-WEB nian, Presidente Komisaun Eleitorál Independénte (IEC) Áfrika Súl núdar mós Presidente A-WEB nian mak lidera ona mesa Asembleia Geral.
Iha mós Estatutu ba A-WEB nian, define nasaun membru sira ne’ebé elitu sai Membru Konsellu Ezekutivu ne’ebé reprezenta hosi kontinente ida-idak hosi kontinente Europa, Amerika, Ásia no Áfrika. Knár ho kompeténsia sira ba Membru Konsellu Ezekutivu nian mak realiza reuniaun anual A-WEB nian hodi deskute planu, estratéjia no halo desizaun ba atividade sira A-WEB nia atu implementa ba nasaun membru sira iha mundu. Iha eleisaun ba Membru Konsellu Ezekutivu ne’ebé hafahe ba reprezentasaun kada kontinente nian, ba Rejiaun Ásia ho proporsionalidade hetan reprezentasaun 4. Comissão Nacional de Eleições (CNE) Repúblika Demokrátika Timor-Leste hili núdar kandidatu no eleitu iha eleisaun ba Membru Konsellu Ezekutivu A-WEB hamutuk ho Repúblika Indonesia, Filipina no Repúblika Maldivu. Mandatu ba Presidensia, Vise Presidente no Membru Konsellu Ezekutivu A-WEB iha asembleia Geral 2022 ba tinan rua hahu’u hosi Outubru 2022 to’o Outubru 2024.

Enquire now

Give us a call or fill in the form below and we will contact you. We endeavor to answer all inquiries within 24 hours on business days.