CNE AUDENSIA HO PREZIDENTE REPÚBLIKA

Segunda feira semana ne’e, 27/6/2022

Comissão Nacional de Eleições, lideradu hosi Dr. Jose A. da Costa Belo, hamutuk ho estrutura tomak CNE nian, marka audensia ho Xefe Estadu Dr. José Ramos-Horta, iha Palasiu Presidente Nicolau Lobato, Aitarak-Laran Dili, hodi deskute kona-ba rezultadu Supervizaun CNE nudar Orgaun Supervor durante Eleisaun Prezidente 2022. Pontus seluk ne’ebe CNE akresenta mak Asuntu Supervizaun CNE nian iha prosesu rekrutamentu Brigadistas-Ofisial Eleitoral STAE nian, no proposta foun ba preparativus eleisaun Parlamentar 2023 (Aktualizasaun Baze Dadus Resenseamentu Eleitoral no votasaun sira iha Estranjeiru).

Alen de asuntu iha leten, Lider Máximu CNE ne’e informa mos ba Xefe Estadu relasiona ho Partisipasaun CNE Timor Leste iha Konferensia Internasional ne’ebe organiza hosi Rede dos Orgãos Juridicionário de Adminstração Eleitoral (ROJAE) iha Luanda, Angola, ne’ebe partisipa hosi nasaun membru CPLP, hosi partisipasaun ne’e CNE partilla mos esperiensia Timor Leste nian liga prosesu votasaun iha diáspora.
CNE Timor Leste mos hetan refensias balu liga ho prosesu votasaun antesipada ka Early Voting.

Sorumutuk Ofisial ne’ebe lao durante oras rua nia laran ne’e, nudar sorumutuk dahuluk CNE ho Presidente Repúblika, hafoin simu investidura iha 20 de Maiu 2022 liu ba.

Enquire now

Give us a call or fill in the form below and we will contact you. We endeavor to answer all inquiries within 24 hours on business days.