Membru Plenária –nian mak hanaran Komisáriu/a fahe ba sub-komisaun lima (5). Kada sub-komisaun iha responsabilidade lahanesan nune’e mos ninia membru.
Sub-komisaun ne’e nia kna’ar maka estuda metodolojia no métodu ba supervizaun no fiskalizasaun ba prosesu rezistu eleitoral no sertifikasaun ba kadernu eleitoral sira. Alende ne’e sub-komisaun ne’e mos elabora proposta ba planu supervizaun no fiskalizasaun rezistu eleitoral-nian, no sertifikasaun ba kadernu eleitoral sira. Kuandu planu maka sub-komisaun ne’e trasa aprova iha plenária, aumesmo tempu sub-komisaun ne’e mos koordena ninia implementasaun.
Maria Angelina L. Sarmento (Koordenadora) no Komisáriu Silvestre Savier Sufa
Sub-komisaun ida ne’e nia kna’ar maka halo estudu estratejika no metodolojia ba implementasaun planu edukasaun sívika iha teritóriu laran tomak. Alende ne’e dezenvolve mos planu operasional ba implementasaun planu. Kna’ar seluk mak planifika no koordena atividade edukasaun sívika.
Pe. Martinho G. Da Silva Gusmăo (koordenador), Sergio J. F. Da Costa Hornai no Joana Maria Dulce Vitor
Kna’ar mak promove dezenvolvimentu lezislasaun eleitoral, prepara pareser, haré mos regulamentu sira maka kabe ba kompetensia CNE-nian, hanesan opiniaun CNE-nian kona-ba prozeitu Lei no regulamentu hosi orgaun Estadu sira seluk maka relevansia ho lala’ok eleitoral ne’ebé maka hetan solisitasaun hosi plenária. Estuda estratéjia ba divulgasaun lejislasaun eleitoral entre stakeholder sira ba prosesu eleitoral.
Tomé Xavier Jerónimo (koordenador), Deolindo dos Santos no Vicente Fernandes e Brito
Kna’ar : Garante komunikasaun ida ne’ebé maka efikas entre CNE ho Partidu polítiku sira. Dezenvolve planu atividade kona-ba ligasaun entre CNE ho PARPOL, no asegura komunikasaun permanente entre entidade rua. Alende ne’e simu, análiza no aprezenta ba apresiasaun plenária nian, kona-ba koligasaun partidaria. Funsaun seluk mak dezenvolve metodolozia hodi distribui no monitoriza fundu ba subvensaun públika ba partidu polítiku mak hetan asentu iha parlamentu nasional. Ikus liu maka koordena fiskalizasaun no prestasaun ba kontas partdu polítiku nian.
José A. Da C. Belo (Koordenador), Maria Tersinha N. Cardoso no Alcino de A. Baris
Kna’ar : estabelese komunikasaun no relasaun diak entre CNE ho entidade sira seluk iha prosesu eleitoral nia laran hanesan STAE, STJ, Parlamento, sosiedade sivil no públiku em jeral. Alende ne’e dezenvolve stratejia de komunikasaun ho media no monitoriza komportamentu jornalistika mak relasiona ho CNE. Dahikus ninian garante komunikasaun ne’ebé maka efetiva entre CNE ho observador nasional no internasional, kona-ba prosesu eleitoral.
Lucas de Sousa (Koordenador), Arif A. Sagran no Manuela L. Pereira
