KAPÍTULU II
KOMPETÉNSIA NO FUNSIONAMENTU

Artigu 7.0
Mandatu

1. Membru sira CNE nian ezerse mandatu ida durante tinan neen, bele hanaruk de’it dala ida.
2. Membru sira CNE nian simu pose iha prezidente Parlamentu Nasional nia oin iha loron tolunulu tuir kedas data nia dezignasaun nian
3. Membru sira CNE nian sei mantein nafatin sira nia kna’ar to’o CNE foun simu pose.

Artigu 8.o
Kompeténsia

CNE iha kompeténsia sira tuir mai ne’e :

• Superviziona prosesu eleitorál;
• Haree kona-ba aplikasaun dispozisaun konstitusionál no legál sira ne’ebé iha relasaun ho prosesu eleitoral.
• Aprova regulamentu sira ezekusaun nian ne’ebé prevee iha lei ida ne’e no iha lei eleitorál sira seluk, hanesan mós kódigu konduta ba kandidatu, observadór fiskál no profisionál sira hosi órgaun komunikasaun sosiál nian;
• Promove esklaresimentu ne’ebé objetivu ba sidadaun sira kona-ba aktu eleitorál liu hosi meiu komunikasaun sosiál sira;
• Asegura tratamentu ne’ebé hanesan ba sidadaun sira iha aktu hotu-hotu resenseamentu nian no operasaun eleitorál sira;
• Asegura tratamentu ne’ebé hanesan kona-ba opurtunidade no liberdade propaganda kandidatura sira nian durante kampaña eleitorál;
• Apresia no sertifika koligasaun partidária sira ba fim eleitorál sira;
• Partisipa ba Ministériu Públiku kualkér aktu espesiál ruma ne’ebé hatudu katak iha ilisitude eleitorál bainhira iha koñesementu;
• Elabora no haruka ba STJ akta provizória ho rezultadu nasional sira, atu bele hetan validade no hodi proklama rezultado definitivu eleisaun jeral nian;
• Hala’o kna’ar sira seluk ne’ebé maka atribui hosi lei.

Artigu 9.o
Funsionamentu

1. Prezidente Parlamentu Nasionál nian konvoka reuniaun dahuluk CNE nian no fó pose ba nia membru sira.
2. Iha nia reuniaun dahuluk, CNE eleje nia prezidente hili hosi nia membru sira ida;
3. CNE funsiona iha plenária, iha Kuórum, ho prezensa nain ualu hosi nia membru sira;
4. Deliberasaun sira sei hola tuir konsensu ka, karik labele, liu hosi deliberasaun ho votu favoravel pelumenus hosi membru nain ualu;
5. Direktór STAE nian partisipa iha reuniaun sira CNE nian, ,maibe laiha direitu ba votu;
6. bainhira kada reuniaun ida remata tenke halo komunikadu imprensa ida, hodi fó-sai asuntu sira ne’ebé diskute no deliberasaun ne’ebé maka hola tiha ona.