Lideransa Komunitária iha Timor-Leste hala’o tiha ona eleisaun iha tinan 2004/2005 no 2009 hodi hili Lider Suku no Konsellu Suku sira, bazeia ba dispozisaun sira iha Lei 2/2004, 18 Fevereiru no Lei 3/2009, 8 Jullu 2009 respetivamente.

Suku hanesan organizasaun komunidade ida ne’ebé forma bazeia ba istória, kultura no sirkunstánsia tradisionál sira, ho área ida ne’ebé maka estabelese iha territóriu nasionál no populasaun ida.

Liuhusi kooperasaun besik ho Konsellu Suku, Lider Suku maka lider Komunitária ne’ebé hetan hili hodi dirije atividade sira maka hala’o husi komunidade iha suku ida nia laran. Konsellu Suku kompostu husi, Lider Suku, Lider Aldeia sira, Maluk feto na’in-rua, joven na’in-rua (husi jéneru ida-idak), katuas ida no Lia-na’in ida (Lia-na’in la hetan hili, maibé nomeia husi Konsellu Suku iha reuniaun primeiru nian). Konsellu Suku la inklui iha Administrasaun Públika no sira-nia desizaun la kesi Estadu.

Iha Eleisaun Suku iha tinan 2004/2005, só iha de’it feto-maluk na’in-7 maka kandidata an ba Xefe Suku no ba Eleisaun Komunidade iha tinan 2009 maluk-feto na’in-10 maka kandidata an.