To’o fulan Juñu tinan ne’e, CNE sei termina prosesu rekrutamentu ba funsiunariu foun hamutuk 13. Prosesu selesaun halo tiha ona iha fulan Novembru tinan kotuk. Hosi tempu ne’e kandidatu sira sei tuir prova hakerek no intrevista, konforme nivel eh grau mak sira hili. Ba kategoría grau D sei rekruta funsiunariu hamutuk na’in-haat, ba grau C hamutuk na’in- neen, enkuantu ba grau B na’in- tolu. Área mak funsiunariu foun sira atu servisu- bá maka hanesan; Administrasaun, Finansas, Aprovizionamentu, Planeamentu, Kontabilidade, Dokumentasaun, Apoiu Jurídiku, Edukasaun Sívika no Komunikasaun.

Prosesu rekrutamentu ne’e realiza hamutuk entre CNE ho Komisaun Funsaun Públika.

CNE emprega total funsiunariu 153, hamutuk ho Direktur Jeral. Hosi total funsiunariu mak temi, funsiunariu 62 servisu iha sede nasional iha Dili, 52 pontu fokal sira iha Distritu 13, no 39 kaer kna’ar nu’udar pesoal apoiu iha Distritu.