Komisariu Arif Abdullah Sagran, intrega Rezultadu avaliasaun kontas PARPOL-nian ba reprezentante Partidu PPT. Foto: Deolindo Ramos

“Prezensa Partidu Politiku sira-nian iha oportunidade ida ne’e hanesan jestu kooperasaun diak entre CNE ho partidu politiku sira. Tuir Lei nú. 6/2008 fo k’bit ba Komisaun hodi halo apresiasaun no validasaun ba kontas partidu politiku-nian. No iha Lei mos hatur sansaun sira ne’ebé maka tuir pezu iregularidade maka detekta, tamba ne’e mak tuir Lei hateten transferênsia subvensaun públika iha ligasaun ho prosesu avaliasaun no validasaun ba kontas. Iha ano fiscal 2011, tuir desizaun ka Lei orsamentu jeral Estadu-nian iha dotasaun final iha montante miliaun 3. siknifika katak iha adisionalmentu miliaun 2 ba miliaun 1 ba subvensaun públika. Uluk kada asentu hetan mais ou menus rihun15 $, mas agora kada asentu hetan mais ou menus rihun 46$".Dehan Presidente CNE, liu hosi ninia introdusaun iha sede CNE Kintal Bo’ot, Kuarta 30/3.

Iha sorin seluk, Komisariu José Belo hateten katak subvensaun públika ba tinan ne’e sei transfere ba konta bankaria partidu sira-nian dala ida deit. “liu hosi biban ida ne’e hakarak fo hatene katak ami sei transfere tuir ami nia hare liu hosi sasukat 11 mak ami aza hodi halo avliasaun ba kontas partidu sira-nian hatudu rezultadu diak

Iha fatin hanesan Sra. Madalena Boavida ne’ebé maka reprezenta Partidu FRETILIN, hatudu sira-nia satisfasaun relasiona avaliasaun ba kontas mak CNE halo. “Hau hare katak prosesu avaliasaun maka CNE halo ne’e diak, no durante prosesu avliasaun ami sempre halo kooperasaun diak ho CNE, tanba FRETILIN hanesan partidu ida mak bo’ot ne’ebé maka sempre defende transparensia prestasaun ba kontas, ami iha vontade no obrigasaun atu hato’o saida deit maka CNE husu.kona-ba transferênsia osan uluk dala 2, agora dala ida baa mi laiha problema, tanba planu asaun maka ami trasa ba tinan ida”.dehan eis Ministra Finansas

Entretantu Partidu Nasionalista Timorense(PNT), ne’ebé maka la hetan asentu iha PN mos, hatudu ninia vontade diak, liu hosi Sra. Aliansa de Araujo hodi aprezenta relatóriu patrimóniu-nian ba CNE.”tuir PNT-nia hare avaliasaun maka CNE halo kapas tebes.No ami-nia sujestaun ba CNE atu fo mos treinamentu ba ami-nia ofisial finansas sira, tanba durante ne’e ami la hetan treinamentu ida ne’e prejudika ba rejultadu avaliasaun. Ba partudu politiku sira maka lahetan asentu iha PN mos tenki hatama relatóriu patrimoniu, tanba ita-nia Lei hateten hanesan ne’e,” dehan Aliansa.