Komisariu Deolindo dos Santos agora dadaun la hala’o nia kna’r hanesan bai-bain nudar Komisariu iha CNE, no pozisaun né’ebé refere Komisariu Duarte Tilman Soares maka substitui, bazeia ba Lei nú 5/2006 kapítulu I pontu 4 ne’ebé hateten katak; karik iha vakatura, membru sira CNE nian sei hetan substituisaun, iha prazu ida loron 30 sura hahú hosi akontesimento ne’e, hosi suplente ne’e karik laiha, tuir termu sira ne’ebé maka hatudu membru seluk atu troka. Prosesu substituisaun ne’e hahu iha fulan Novembru tinan kotuk, no sei kontinua to’o fulan Maiu tinan ne’e. Substituisaun ne’e akontese tanba Komisariu Deolindo dos Santos hetan orden hosi Konsellu Superior Majistratura hodi hasai kursu iha area judicial nian iha Portugal. Duarte Tilman Soares hanesan membru suplente ida ne’ebé maka reprezenta hosi Magistradu Judisial, no hetan tomada de pose iha fulan Janeiru tinan 2007. No agora dau-daun nia mos ezerse funsaun hanesan juis iha Tribunal Distrital Dili nian. Iha Comissão Nacional de Eleições Duarte tilman asumi kargu hanesan komisariu iha sub-Comissão Jurídico e Contencioso, no responsabiliza Distritu Bobonaro, durante Komisariu Deolindo dos Santos la iha fatin.