Comissão Nacional de Eleições (CNE), iha Segunda (22/8/2011) liu hosi ninia Plenaria, hasoru malu ho ekipa hosi United Nation Volunteer (UNV), na’in sanulu-resin ida (11) ne’ebé servisu iha UNEST (United Nation Electoral Suport Team) mai aprezenta sira-nia an iha edifisiu CNE Kintal Bo’ot.

Iha Aprezentasaun ne’e UNV sira sei fo apoiu ba Comissão Nacional de Eleições (CNE) hodi hare kona-ba eleisaun jeral 2012 ne’ebé mai.

Iha sorumutu ida ne’e UNV sira promete ba Komisarius CNE sira katak, iha sira nia ekipa prontu hodi hala’o servisu hamutuk ho CNE iha Distritu 13, dehan Andres Castillo Xefi UNEST.

Comissão Nacional de Eleições (CNE) liu hosi Komisariu sira mos husu ekipa UNV sira tenki hala’o servisu ho didiak, atu nune’e bele fo edukasaun ne’ebé diak ba povu Timor, iha sistema demokrasia nia laran, no importante mak halo servisu tuir Lema CNE-nian ( Hamrik Iha Imparsialidade, Independensia no Transparensia nia Leten).