Kampaña ne’ebé mak partidu FRETILIN halaó, hahú ohin to’o loron 17 Agostu ne’e kampaña ba ambitu eleisaun lideransa partidaria no la’os ba ambitu eleisaun 2012.

“Objektivu prinsipal hosi sorumutu ne’ebé maka CNE hala’o ohin loron ho partidu Fretilin, primeiru atu buka hetan klarifikasaun no esplikasaun didiak kona-ba prosesu kampanña no ninia aktividade tomak hosi partidu FRETILIN-nian ne’ebé sei hala’o ba ambitu eleisaun lideransa partidu nian. Ita hotu hatene katak partidu hola inisiativa inovadora ida atu oinsa hili sira-nia lideransa hosi eleisaun direita, la’os ona liu hosi kongresu nasional. ita mos hatene katak partidu sira ida-idak mos okupadu ho prosesu konsolidasaun ita mos hatene katak 2012 atu avansa ona ba eleisaun jerál, tan ne,e mak ita mos buka atu hatene oinsa bele haketak eleisaun ba ambitu lideransa partidu ninian, no kampanña eleitoral ba ambitu eleisaun jerál 2012 .

ida ne,e sai preokupasaun ba CNE nune’e mos preokupasaun hosi parte seluk. Liu hosi sorumutu ida ne,e, ami mos hatene sira nia regulamentu, regras, prosedimentu, no mekanismu ne’ebé mak montadu, hodi haketak saida mak subtansia kampaña ba ambitu eleisaun lideransa partidu no subtansia ne’ebé maka bele loke dalan interpretasaun ou alegasaun kampaña ba ambitu eleisaun jeral 2012 niian,”, dehan Presidente CNE iha edifisiu CNE Kintal Bo’ot 28/7

Iha sorin seluk Presidente Komisaun Nsional Preparasaun Organizasaun(KNPO) José Reis hateten katak “Aktividade ne’e aktividade internu partidu-nian. Tuir los ami atu troka kampaña ho termu seluk, hodi nune’e labele hamosu interpretasaun sala relasiona ho kampaña maka ami atu hala’o. Maibe hakarak hatete katak ida ne’e prosesu demokratiku ida maka ami inova iha partidu nia laran. No hakarak dehan katak kampña partidaria depende ba regulamentu partidu, maibe kampaña eleitoral depende ba Lei maka aprova iha Parlamentu Nasional buat rua ne’e lahanesan. No tema jerál maka ami foti iha eleisaun direita ne’e maka Dezenvolve partidu dezenvolve País.

Iha fatin hanesan Komisáriu José Belo hateten katak objetivu hosi enkontru ne’e la’os atu interfere aktividade partidu polítiku, maibé atu hatene klean liutan informasaun ligadu ho kampaña partidaria nian, ne’ebé maka FRETILIN halo hodi hili nia lideransa partidaria “objetivu hosi enkontru ne’e la’os atu interfere partidu nia aktividade, maibe atu hatene liutan informasaun ligadu ho kampaña partidaria nian, ne’ebé maka FRTILIN halo hodi hili ninia lideransa partidaria, nune’e kundu partidu seluk kuandu ko’alia kona-ba eleisaun pelu menus CNE tenki akompaña, nune’e ita bele kontribui ba demokrasia ne’ebé ita hotu mehi.

Marka prezensa iha sorumutu ne’e Komisáriu CNE sira, Presidente KMPO Sr. José Reis no Tim susesu ba kandidatu Mari no Luolo, Sr Arsenio P. Bano.