Tuir Lei Nú. 5/2006 artigu 8 alinea d fo kompetensia ba CNE hodi promove esklaresimentu objetiv ba sidadaun sira kona-ba aktu Eleitoral liu hosi meio komunikasaun sosial. Bazeia ba Lei ne’ebé refere iha leten, CNE liu hosi ninia Komisáriu sira halo edukasaun sívika iha Sub-Distritu 65.

Tema Jeral ne’ebé CNE hili iha tinan ida ne’e“ Promove Partisipasaun Popular ba Rejistu Eleitoral Hodi Hakbesik-an ba Eleisaun 2012”. Objetivu hosi hala’o Edukasaun sívika ne’e maka atu Partilla informasaun kona-ba lala’ok eleisaun ba Sidadaun sira, nune’e bele hamosu konsiensia sivika iha ema ida-idak nia laran, aleinde ne’e atu hametin liu tan valor demokrasía iha povu-nia le’et, nune’e sira bele avansa ba eleisaun 2012 no eleisaun sira maka tuir mai, ho matenek ida aas kona-ba exercicio dever no direitu nu’udar sidadaun.

Komunidade barak maka iha interese no antuziasmu tuir atividade ne’e, realidade maka hatudu katak kada edukasaun sívika maka CNE halo partisipantes kuaze ema na’in 100. no balun lamenta tanba edukasaun sivika ne’e la realiza to,o iha Suku sira “Hau sente orgullu tebe-tebes ho atividade Edukasaun sívika maka CNE halo tanbá liu hosi atividade refere ami bele hatene lala’ok eleisaun. No aleindene’e hau mos lamenta tebes tanba aktividade maka importante hanesan ne’e la realiza to’o iha Suku sira”, dehanXefi Suku Ho-Rai Quic, bainhira CNE halo Edukasaun sívika iha Distritu Ainaro, Sub-Distritu Maubisse.

Tuir mai rezultadu provizoriu kona-ba Partisipasaun Partisipantes no frekuensia Edukasaun sívika maka CNE realiza tiha ona.