Pe. Martinho no Sr. José Agustinho da Costa Belo halo observasaun eleitoral iha Brasil

Iha loron 29 fulan Setembru to’o loron 10 fulan Outubru, Pe. Martinho da Silva Gusmão no Komisario José Agustinho da C. Belo partisipa iha observasaun eleisaun presidensial nian iha Barsil. Komisariu sira ba to’o iha kapital, Brasilia hodi haree prosesu eleitoral ne’ebé maka ikus-mai manan hosi Dilma Rousseff. Liu hosi observasaun, Pe. Martinho da Silva Gusmão destaka kona ba prosesu eleitoral ne’ebé mak modernu no avansadu. “Sistema Eleitoral ne’ebe maka ninia sistema no prosesu úniku iha mundo.Komisariu mos akresenta-tan katak”prosesu eleitoral ne’ebé maka úniku, tanbá organiza no administra hosi tribunal espesializadu eleisaun nian, ne’ebé mak hanaran Tribunal Superior Eleitoral.” Iha parte seluk iha tempu votasaun sira mos utiliza teknolojia ne’ebé maka modernu. “Sistema eleitoral ne’e úniku iha mundu tanbá uza urna elektrónika[bainhira ba vota la presiza pregu no kaneta, mas uza deit mákina informatizada]” tenik Komisariu CNE, no hatutan-tan katak nasaun sira CPLP nian “tur- hamutuk hodi kolabora no troka kuiñesementu konabá sistema eleitoral ne’e”. Brisil mos fornese asesoria téknika ba Nasaun sira seluk, relasiona ho urna elektrinika sira. Eleisaun remata iha loron 3 fulan Outubru ne’ebé hetan observasaun hosi observador hamutuk 146. Total eleitor iha Brasil hamutuk miliaun 135,8, no total estasaun votasaun hamutuk rihun 420. urnas mak sira uza hamutuk rihun 500.