Iha loron 11 fulan Jeneiro, CNE ho STAE asina rezolusaun ida kona ba aktividade preleminaria ba ABD. Iha enkontru ida ne’e deside hamutuk foti rezolusaun ne’e ho no. 001/01/2011 ne’ebé fo kbit ba STAE hanesan orgaun Tekniku Eleitoral hodi omite kartaun foun ho nunée bele responde necessidade urgente ba eleitor sira.

Rezulusaun ne’e assina tiha ona tamba CNE no STAE konsidera katak kartaun eleitoral ne’e fo sai hosi STAE ( hetan supervizaun hosi CNE eh CNE maka tau matan) ne’ebé maka uza hanesan kartaun identidade, nivel nasionál.

Nune’e mós, komisaria CNE Distritu Manatuto nian, Sra. Joana Maria Dulce Vitor, orienta aktividade ABD iha fulan Jullu no Dezembru tinan 2010. Durante nia supervisaun sira hetan faktus né’ebé hatudu katak total eleitor foun hetan numero ki’ik, enkuantu numero ba eleitor sira ne’ebé husu atu hadia, naran, tinan, residensia sai boot liu. Nune’e, kartaun ne’ebé fo sai hamutuk 944, hosi 180 husu atu halo kartaun foun. Hosi parte balu husu liu hosi alterasaun dadus ne’e hanesan atu hadia naran eleitorál (155 kazu), hadia moris fatin (12 kazu), hadia loron moris (169) no muda hela fatin (114). Husu tan 314 kartaun foun atu fo ba ema sira ne’ebé kartaun tuan lakon. Hosi total kartaun eleitorál ne’ebé fo sai 944 kartaun, 370 feto no 574 ba mane.