Atualizasaun Baze de dadus (ABD) iha artigu 65 no. 2 koalia kona-ba Eleisaun sira, katak resensiamentu Eleitoral hanesan atividade obrigatorio, ba sidadaun ne’ebé kompleta ona tinan 16 iha direitu atu hetan kartaun eleitoral hodi ba tuir votasaun. STAE hanesaun orgaun tekniku eleitoral hodi emite kartaun eleitoral hodi responde necessidade eleitor sira nian. Tuir lei nú 5/2006 artigu 08 koalia kona-ba kompetensia CNE katak so CNE deit maka bele aprova ou halo supervizaun ba prosesu eleitoral.

Bazeia ba baze Legal hirak maka temi Comissão Nacional de Eleições (CNE) liu hosi ninia Plenaria loron 18/5/2011 Aprova kalendáriu ba atualizasaun baze de dadus no resensiamentu eleitoral, iha sede CNE Kintal Bo’ot.

Atividade Atualizasaun Beze de Dadus no resensiamentu eleitoral ne’e obrigatóriu ba sidadaun Timor ne’ebé maka atinzi ona tinan 16, no atu garanta katak atividade ABD la’o tuir duni kritéria sira maka kontempla iha Lei, CNE iha obrigatóriu hodi tau matan “ABD no resensiamentu eleitoral hanesan atividade ne’ebé obrigatóriu ba sidadaun Timor oan maka to’o ona tinan 16 ne’ebé iha direitu ba vota, sira tenki ba halo resensiamentu eleitoral, katak sira ba fatin ida ne’ebé mak loke ba sira atu hodi bele hetan kartaun eleitoral, lori ho sira-nia dokumentu sira ne’ebé prova katak sira tinan 16 ona. Kuandu rezistu ona iha beze de dadus STAE-nian, sira-nia naran ne’e rekuñesidu ona hanesan eleitor ne’ebé eleizivel atu ba vota. Tanba ne’e maka ita-nia Konstituisaun hateten katak resensiamentu eleitoral ne’e buat ida obrigatóriu ba sidadaun hotu maka to’o ona tinan 16. Atu nune’e bele hetan kartaun eleitoral, hodi bele ezerse nia direitu iha loron eleisaun. No atu bele garanta katak prosesu ABD no resensiamentu eleitoral ne’e la’o tuir duni kritéria maka Lei haruka, CNE iha obrigasaun atu tau matan”, dehan Komisaria Angelina ne’ebé maka kaer kna’ar hanesan koordenadora Sub-Komisaun Resensiamentu Eleitoral no Baze de Dadus (REBD).